Tinuig nga Pasalamat (Thanksgiving Party) sa First Missionary
Baptist sa Digos City
Ni:
FELIX B. DARAY
Disyembre 27, 2015
alas nuybe ngadto sa alas una sa hapon gipahigayon ang masadya mabulokon ug malamposong
tinuig nga panagtigom uban sa
madagayaong pagpasalamat sa Kahitas-an sa
usa ka pundok nga Kristohanon ,
ang ‘ First Missionay Baptist,’ diha mismo sa ilang simbahan sa Luna Extension,
San Miguel Digos City. Kini gitambongan sa mga bisita gikan sa Davao City ug
mga makugihong ug mainitong mga miyembro nga sa kanunay nangalagad sa atong buhi nga Diyos.
Gisugdan ang
maong panagtigon sa usa ka open forum diin ang matag usa
makapangutana bahin sa mga pagtuloan ug mga doktrina. Ang pangutana hapsay ug undanon nga gipanubag sa mga pastor.
Gisugdan ang divine servive pinaagi sa mga pag-awit sa paghimaya sa atong
buhi nga Diyos. Ug dinhi gibatbat sa pinasidunggang
mamamulong nga si Pasto Allan Abais, gikan sa Davao Missionary Baptist Church, ang tema: Hope, Freedom and Revival in the Church nga maoy dugokan sa iyang mensahe. Matod pa
niya, “Looking for the blessed hope and
glorious appearing of our great Savior Jesus Christ,” Titus 2:13, samtang
kita nagpaabot sa bulahang adlaw nga
atong gilaoman inigpadayag na sa himaya
sa atong gamhanang Dios ug Manluluwas nga si Jesu-Cristo.” Medyo taas taas ang iyang mensahe apan
nalingaw gyod ang mga Kristohanon sa iyang pasiaw; way giduka, bisan lampas na sa alas dose sa
kaudtohon. Matod pa niya, “daghang mga
higayon nga moundang unta ako sa pag-eskuyla sa semenaryo, apan kining inyong
pastor, usa sa mga midasig kanako sa pagpadayon bisan sa daghang mga pagsulay.
Ug tuod man nakatapos ra gayod; kay sa pagkatinuod, gitawag ako sa buhing
Diyos. Bisan nga nahimo akong magsisibya,
dramatista sa ABS CBN 12.96, wa gyod nako talikdi ang pagsangyaw sa maayong
balita sa kaluwasan kay kini kabubut-on sa atong Makagagahom; mao nga ania ako
karon sa inyong atubangan.”
Dihay grupo sa mga
young people, sila: Christy, Joy,
Jaira, ug Mary Grace nga mihatag ug special number pinaagi sa pag-awit. Wala
paulahi ang grupo sa mga pastor sila: Pastor Abais, Gallano, Sumay ug Meguil, mipalanog usab sa ilang tingog sa pagdayeg sa
Diyos.
Pagkahuman ,
gisalohan sa paniudto ang inandam
nga mga pagkaon ( bring your own
baon) uban sa duha ka letson, sa tanang mga bisita uban sa kalipay ug nabusog ang tanan. Nahimong
eat all you can tungod sa kadaghan sa
mga pagkaon. Wa man gani mabungkag ang
naghapa nga letson ug gi- bh na lang sa among pagpamauli.
Pagkahuman sa
paniudto, gidumala ni Christy Sumy ang pagdula
sa parlor games sa mga
kabataan. Nalipay ug nalingaw gyod ang tanang kay danghang regalo ang ilang
nadawat.
Among gikalipay ang pagbisita sa mga pastor gikan sa Davao City sama nila ni Pastor Jorem
Elis, Pastor Gerry Gallano kauban sa ilang mga asawa ug Pastor Leonardo Miguel gikan sa Emily Homes , Digos
City.
Kon mohisgot kitag
mga pangalan sa mga miyembro sa
Missionary Baptist sa Digos City, mao kining mosunodi: Bartolome (Boy)
Lopez, Jojie Lopez, Merlyn Sumay, Boyet
Tumulak, Gingging Tumulak, Olemor Banac, Judith Banac, Memoria Banac, Desing
Saglitan, Janet Rolyeras, Amie Asoy, Marites Juntilla, kining tagsulat ug uban pa, nga sa tanang
higayon anaa kanunay sa pagbulig sa mga
bulohaton sa maog eglesia.
Sa mga young people sila si: Christy Sumay,
Frederick Sumay, Mary Grace Sumay, Jirah
Paculanan, Dandan Tumulak, Ace Demafeliz, Nekko Dimafeliz , Joy, Karem ug uban pa nga sa kanunay nakig-uban sa tanang
kalihokan sa simbahan.
Kining kalihokan
sa Pagpasalamat o Thanksgiving Party
magapadayon matag tuig hangtod sa pagbalik sa atong Ginoong Diyos. Ginaingon sa
Kasulatan sa I Tesalonica 5:18, “Pagmapasalamaton kamo sa tanang higayon ug sa tanang mga
butang kay kini ang pagbuot sa Diyos.” Nag-ingon usab sa Salmo 118:1,
“Pasalamati ninyo ang Ginoo kay maayo Siya.”
Busa, malaomon sa
kanunay ang Missionary Baptist Church sa
Digos City, usa sa mga eglesia sa New Testament Chruch nga gidumala ni Pastor Federico Sumay nga
magapadayon sa pagsangyaw sa
maayong balita segon sa gisugo sa Mateo 28:19-20, “Panglakaw kamo ug himoa
ninyong mga tinun-an ang tanang kanasoran… nga magatudlo kanila sa pagtuman sa
tanang gisugo kaninyo, ug magauban kaninyo sa kanunay hangtod sa kataposan sa
kapanahunan.”
Sa mga kauban kong
Kristohanon, “To God be the Glory; magkita-kita na usab
kita puhon sa 2016, sa mao gihapon nga lugar
ug okasyon.